Courses Images

Гадаад хэлний орчуулагч /солонгос/

Солонгос хэл, соёл, түүх, ёс заншил, сэтгэлгээний талаар тодорхой мэдлэгийг олгож, солонгос хэлний түвшин тогтоох шалгалтын дээд түвшний мэдлэг чадварыг эзэмшүүлж, монгол, солонгос хэлээр бүх салбарт аман ба бичгийн орчуулга хийх чадвартай мэргэжилтэн бэлтгэж, Монгол улсын хөгжил дэвшилд хувь нэмрээ оруулах, эдийн засаг, нийгмийн хэрэгцээнд нийцсэн, олон улсын түвшний мэдлэг боловсрол эзэмшсэн, хөрвөх чадвартай боловсон хүчин бэлтгэнэ.

Мэргэжлийн эрэлт хэрэгцээ, давуу тал
“Гадаад хэлний орчуулга (Солонгос хэл)” хөтөлбөрийн хэрэгцээ шаардлага нь Монгол Улс ба БНСУ, БНАСАУ-тай нийгэм, эдийн засаг, улс төр, худалдаа зэрэг бүх салбарт хамтран ажиллаж байгаа гадаад бодлоготой уялдаж байдаг. Сүүлийн жилүүдэд БНСУ, БНАСАУ-тай хамтын ажиллагаа өргөжин тэлж байгаа тул нийгэм, эдийн засгийн бүх салбарт мэргэжлээрээ ажиллах боломжтой.

Эзэмших мэдлэг, ур чадвар
- Солонгос хэлний үг хэллэг, дүрмийн мэдлэгт суурилан анхан шатнаас дээд шат хүртэлх үе шаттайгаар ярих, сонсох, унших, бичих чадварыг эзэмшинэ.
- Монгол-солонгос, солонгос-монгол аман болон бичгийн орчуулгын мэдлэгт суурилан бүх төрлийн орчуулга хийх чадварыг эзэмшинэ.
- Олон улсын түвшний мэдлэг ур чадвартай, үнэнч шударга, хүний эрхийг дээдэлдэг, хөрвөх чадвартай боловсон хүчин болно.

Төгсөөд ажиллах ажлын байр

- Монголд суугаа БНСУ ба БНАСАУ-ын элчин сайдын яам
- Монгол улс ба БНСУ ба БНАСАУ-ын төрийн байгууллага
- Солонгосын хөрөнгө оруулалттай компани, аж ахуйн нэгж
- Монгол, солонгосын хамтарсан аж ахуйн нэгж
- Солонгос хэлний сургалтын төв
- Орчуулгын товчоо
- Виз мэдүүлгийн газар